ஐ.நா.வுடனும் அதன் முகவரமைப்புகளுடனும் தற்போது இடம்பெற்றுவரும் சிறிய சண்டையானது யுத்தத்தால் இடம்பெயர்ந்த மக்களுக்கான சர்வதேச நிதி உதவியைக் குறைத்துவிட மாட்டாது என்று கலாநிதி ரஜீவ விஜயசிங்க கூறியுள்ளார்.

பொதுத்தேர்தலுக்கான ஐக்கிய தேசிய முன்னணியின் தேர்தல் விஞ்ஞாபனம் இன்று செவ்வாய்க்கிழமை ஐக்கிய தேசியக் கட்சித் தலைமையகமான ஸ்ரீகொத்தா வில் வெளியிடப்படவிருக்கின்றது.

தமிழ் தேசியக் கூட்டமைப்பின் வன்னி மாவட்ட வேட்பாளர்களின் அறிமுகமும் பிரசாரமும் இன்று  செவ்வாய்க்கிழமை மாலை 5.00 மணிக்கு மன்னார் பொதுவிளையாட்டு மைதானத்தில் இடம்பெறவுள்ளது.

தமிழ் மக்கள் வாழும் பகுதிகளில் தமிழ்பேசும் எட்டப்பர்கள் பலர் இருப்பதாகக் கூறுகிறார் ஜனநாயக மக்கள் முன்னணியின் தலைவரும் ஐக்கிய தேசிய முன்னணியின் கண்டி மாவட்ட வேட்பாளருமான மனோ கணேசன்.

இலங்கையின் முன்னாள் இராணுவத் தளபதியான சரத் பொன்சேகாவை இராணுவ நீதிமன்றத்தில் நிறுத்தும் திட்டம் தவறானது என்று இலங்கையின் முன்னாள் பிரதம நீதியரசரான சரத் என் சில்வா கூறியுள்ளார்.

வவுனியா, மாங்குளம் பகுதியில் இன்று திங்கட்கிழமை காலை அம்பியூலன்ஸ் வண்டி விபத்துக்குள்ளானதில் வைத்தியசாலை பணியாளர் ஒருவர் உயிரிழந்துள்ளார்.

திருகோணமலையில் இளம் வர்த்தகர் சுட்டுக்கொல்லப்பட்டது தொடர்பில் திருமலை பொலிஸ் தலைமையக பொறுப்பதிகாரி உட்பட மூவர் இடை நிறுத்தப்பட்டுள்ளதாக பொலிஸ் மா அதிபர் தெரிவித்துள்ளார்.

இராணுவப் பொலிஸாரால் கைது செய்யப்பட்டு தடுத்துவைக்கப்பட்டுள்ள முன்னாள் இராணுவத் தளபதி ஜெனரல் சரத் பொன்சேகா நாளை செவ்வாய்க்கிழமை இராணுவ நீதிமன்றில் ஆஜர் செய்யப்படவுள்ளமையைக் கண்டித்து கொழும்புப் புறக்கோட்டையில் இன்று சத்தியாக்கிரக போராட்டம் ஒன்று நடைபெற்றது.