விளையாட்டுத்துறை அமைச்சர் காமினி லொக்குகே, இலங்கை அணியின் முகாமையாளர் பதவிக்கு ஹஸான் நியமிக்கப்பட்டதை ஏற்றுக்கொள்ள மறுத்திருந்தார். இதனையடுத்தே ஹஸான்  முகாமையாளர் பதவியிலிருந்து அகற்றப்பட்டுள்ளதாகவும் தெரிவிக்கப்படுகிறது. இதற்கு அரசியல்காரணங்களே முக்கியமாக காரணங்களான தெரிவிக்கப்படுகின்றன.

இதேநேரம், ஹஸான் அணி முகாமையாளராக நியமிக்கப்படுவது தொடர்பாக அமைச்சருக்கு அறிவிக்கப்படவில்லையெனவும் தெரிவிக்கப்படுகிறது.  இலங்கை கிரிக்கட் கட்டுப்பாட்டுச் சபை இடைக்கால நிர்வாக நிறைவேற்றுக் குழுவின் அனுமதி பெறப்படாமலே ஹஸான் திலகரட்ன அணி முகாமையாளராக நியமிக்கப்பட்டதாகவும் கூறப்படுகிறது.

இலங்கை-இந்திய அணிகளுக்கிடையிலான டெஸ்ட் தொடர் அறிமுக நிகழ்வு கடந்த செவ்வாய்க்கிழமை கொழும்பில் நடைபெற்ற போது உள்நாட்டு மற்றும் சர்வதேச ஊடகவியலாளர் மத்தியில் ஹஸான் திலகரட்ன இலங்கை அணியின் புதிய முகாமையாளராக அறிமுகப்படுத்தப்பட்ட நிலையில் மறுநாள் அவர் அப்பதவியிலிருந்து அகற்றப்பட்டுள்ளார். 83 டெஸ்ட் போட்டிகளில் விளையாடியுள்ள ஹஸான் 10 போட்டிகளுக்கு தலைவாரகச் செயற்பட்டுள்ளார்.