தமிழ் செய்தி தளம் | சுவிஸ் முரசம் - தேசத்தின் முழக்கம்

சட்டம் ஒழுங்கைப் பராமரிக்கும் காவல்துறையினருக்கு இவர்கள் உதவிகரமாக இருப்பார்கள். போட்டிகளின்போது விளையாட்டு அரங்கங்கள் மற்றும் விளையாட்டு கிராமங்களில் அதிகாரிகள் மற்றும் வீரர்களுக்கு வழிகாட்டிகளாகவும் இவர்கள் விளங்குவார்கள். மருத்துவ உதவிகள் அளிப்பது குறித்தும் அவர்களுக்குப் பயிற்சி அளிக்கப்படும்.

இத்தகையப் பயிற்சிகளுடன் பல்வேறு அதிகாரிகள், வீரர்களுடன் நடந்து கொள்ளும் முறை குறித்தும், ஆங்கிலத்தில் சரளமாகப் பேசுவதற்கும் பயிற்சி அளிக்கப்படும். இதற்காக ஒரு பயிற்சி முறையை உருவாக்கி வருவதாக ஊர்க் காவல் படை மற்றும் உள்நாட்டுப் பாதுகாப்புத் துறையைச் சேர்ந்த மூத்த அதிகாரி ஒருவர் கூறினார்.

பொதுநலவாய விளையாட்டு போட்டிகளுக்காக தனது உள்கட்டமைப்பை பெரிய அளவில் மாற்றுவதற்கும் ஊர்க் காவல் படை மற்றும் உள்நாட்டுப் பாதுகாப்புத் துறை திட்டமிட்டுள்ளது.  போட்டிகளின்போது 3 ஆயிரம் வாகனங்கள் பணியில் இருக்கும் என மதிப்பிடப்பட்டுள்ளது. எனவே, போக்குவரத்து முறை சீராக இருப்பதற்கும் திட்டமிடப்படுகிறது.