தமிழ் செய்தி தளம் | சுவிஸ் முரசம் - தேசத்தின் முழக்கம்

மாநாட்டில் பங்கேற்றுள்ள அமெரிக்கா-ரஷியா அதிபர்கள் இடையிலான பேச்சுவார்த்தையில் எவ்வித முன்னேற்றமும் ஏற்படவில்லை என அங்கிருந்து வரும் தகவல்கள் தெரிவிக்கின்றன.

ரஷிய அதிபராக பதவியேற்ற பின், முதல்முறையாக அமெரிக்க அதிபர் புஷ்ஷை ஜி-8 மாநாட்டில் திங்கள்கிழமை சந்தித்து பேசிய மெத்வதேவ், இந்த பேச்சுவார்த்தையில் குறிப்பிட்ட முன்னேற்றம் ஏதுவும் இல்லை என்றார்.

இருப்பினும், தங்களது கருத்துகள் தொடர்ந்து பரிமாறிக் கொள்ளப்படும் என்று அவர் தெரிவித்தார். அமெரிக்கா-ரஷியா இடையே நீண்ட காலமாக நிலவி வரும் பனிப் போர் தற்போதும் எதிரொலித்துள்ளதாகவே இதனை அரசியல் நோக்கர்கள் கருதுகின்றனர்.

ஏனெனில், மத்திய ஐரோப்பாவில் ஏவுகணைகளை நிறுவ திட்டமிடுதல், நேட்டோ அமைப்பில் ஜார்ஜியா, உக்ரைன் ஆகிய நாடுகள் இணைவதற்கு ஆதரவு தெரிவித்து வருவது போன்ற காரணங்களால் புஷ் அரசு மீது ரஷியா கோபத்தில் உள்ளதாகக் கூறப்படுகிறது.

இதனால் இரு தரப்பிலான உறவில் விரிசல் இருந்து வருவதாக அரசியல் வல்லுநர்கள் தெரிவிக்கின்றனர்.

இந்நிலையில், வெள்ளை மாளிகையில் அடுத்து பொறுப்பேற்கவுள்ள அமெரிக்க அதிபருடன், தான் நல்லுறவை பேண விரும்புவதாக மெத்வதேவ் கூறினார்.

முன்னதாக, பிரிட்டிஷ் பிரதமர் கார்டன் பிரெüனையும், மெத்வதேவ் சந்தித்துப் பேசினார்.