ஆப்கான் அரசின் பேச்சாளர் அந்த பாகிஸ்தானிய உளவு நிறுவனத்தின் பெயரை நேரடியாகக் கூறவில்லை. ஆனால், இந்தத் தாக்குதல் ஆப்கானில் ஏற்கனவே இதுபோன்ற தாக்குதல்களை நடத்திய குறிப்பிட்ட உளவு நிறுவனத்தின் பாணியில் நடத்தப்பட்டுள்ளதாக அவர் கூறினார்.

அத்துடன் தான் யாரைக் குறிப்பிடுகிறேன் என்று அனைவருக்கும் தெரியும் என்றும் அவர் குறிப்பிட்டார்.

இந்தியத் தூதரகத்துக்கு வெளியே நடந்த இந்தக் குண்டுத்தாக்குதலில் தமது நாட்டுக்கு எந்தவிதமான சம்பந்தமும் கிடையாது என முன்னதாக பாகிஸ்தானிய பிரதமர் யூசுப் ரஷா கிலானி கூறியிருந்தமை குறிப்பிடத்தக்கது.