தமிழ் செய்தி தளம் | சுவிஸ் முரசம் - தேசத்தின் முழக்கம்

வடகொரியா அணுவாயுதம் தயாரிக்கும் திட்டத்தை கைவிட முன்வந்ததை தொடர்ந்து அந்த நாட்டை பயங்கரவாத நாடுகளின் பட்டியலில் இருந்து நீக்குவதற்கு அமெரிக்கா திட்டமிட்டுள்ளது.

இதுகுறித்து 6 நாடுகள் பங்கு கொள்ளும் பேச்சுவார்த்தை இன்று வியாழக்கிழமை சீனாவில் தொடங்குகிறது.

இதில் வடகொரியா, அமெரிக்கா, சீனா, ஜப்பான், தென்கொரியா, ரஷ்யா ஆகிய 6 நாடுகள் பங்கு கொள்கின்றன.

வடகொரியா அணுவாயுதம் தயாரிக்கும் வசதிகள் பற்றிய பட்டியலை அமெரிக்காவிடம் கடந்த மாதம் கையளித்தது.

அணுவாயுதம் தயாரிக்க உதவும் மூலப்பொருட்களை அழிக்கும் பணியில் அது கடந்தாண்டு இறுதியில் ஈடுபட்டது.

இதைத்தொடர்ந்து தான் அதன் பெயரை பயங்கரவாத நாடுகளின் பட்டியலில் இருந்து நீக்க அமெரிக்கா முன்வந்துள்ளது.