பாகிஸ்தானில், வடமேற்கு முன்னணி பிராந்தியத்தில் பணியாற்றிய போலீஸôர் மற்றும் ராணுவ வீரர்கள் 29 பேரை தலிபான் தீவிரவாதிகள் கடந்த வியாழக்கிழமை சிறைப் பிடித்தனர்.

அவர்களை விடுவிக்க பாகிஸ்தான் அரசும், ராணுவமும் பல்வேறு முயற்சிகளை மேற்கொண்டு வருகின்றன.

இந்நிலையில், தலிபான் செய்தித் தொடர்பாளர் மௌலி ஓமர், அரசுக்கு புதிய கோரிக்கையை விடுத்துள்ளார்.

"பாகிஸ்தான் சிறைகளில் உள்ள 100-க்கும் மேற்பட்ட தலிபான் தீவிரவாதிகளை உடனடியாக விடுவிக்க வேண்டும். இல்லையெனில் தங்களிடம் பிணைக்கைதியாக உள்ள 29 பேரையும் கொலை செய்து விடுவோம்' என்று எச்சரிக்கை விடுத்துள்ளார்.

சட்டம் ஒழுங்கு இல்லாத பாகிஸ்தான் பழங்குடியினப் பகுதிகளில் தலிபான் தீவிரவாதிகளின் ஆதிக்கம் மேலோங்கி வருவது குறிப்பிடத்தக்கது.