தமிழ் செய்தி தளம் | சுவிஸ் முரசம் - தேசத்தின் முழக்கம்

ஜெருசலேம் நகரில் தங்கியுள்ள பாலஸ்தீனர்களின் குடும்பங்களை அங்கிருந்து விரட்ட அப்பகுதிகளில் எலிகளை அதிக அளவில் கொண்டு வந்து விட்டுள்ளது இஸ்ரேல்.

 பாலஸ்தீன அரசு செய்தி நிறுவனமான "வாஃபா' இத்தகவலை தெரிவித்துள்ளது. ஜெருசலேமில் தங்கியுள்ள பாலஸ்தீனர்களை விரட்ட இஸ்ரேல் தற்போது எலிகளையும் ஆயுதமாகப் பயன்படுத்த தொடங்கியுள்ளது.

கடந்த 2 மாதங்களாக ஜெருசலேம் வரும் யூதர்கள் பெரிய இரும்புக் கூண்டுகளில் ஏராளமான எலிகளை கொண்டு வந்து பாலஸ்தீனர்கள் வசிக்கும் தெருக்களில் அவற்றை திறந்து விட்டுச் செல்கின்றனர்.

அவை அங்குள்ள வீடுகளுக்குள் புகுந்து அட்டகாசத்தில் ஈடுபடுகின்றன. இங்குள்ள பாலஸ்தீனர்களுக்கு பல விதங்களிலும் தொல்லை கொடுத்து அவர்களை வீட்டை விட்டும் நகரத்தை விட்டும் விரட்டுவதுதான் இஸ்ரேலிய அதிகாரிகளின் முக்கிய நோக்கமாக உள்ளது என்றும் அந்த செய்தி நிறுவனம் கூறியுள்ளது.

ஜெருசலேமில் வசிக்கும் பாலஸ்தீனர்கள் இது குறித்து கூறும் போது, "எலிகளை அழிக்க விஷ மருந்துகளை பயன்படுத்தலாம் என்ற போதிலும் அவை கிடைப்பது இல்லை' என்றனர்.

இந்த குற்றச்சாட்டை மறுத்துள்ள ஜெருசலேம் நகராட்சி செய்தித் தொடர்பாளர், "இது ஒரு கட்டுக்கதை. நகருக்குள் எலிகளை விடுவதாகக் கூறுவதில் உண்மை இல்லை' என்று கூறியுள்ளார்.