தமிழ் செய்தி தளம் | சுவிஸ் முரசம் - தேசத்தின் முழக்கம்

இந்தியா வருமாறு பாகிஸ்தான் அதிபர் ஆசிப் அலி ஜர்தாரிக்கு பிரதமர் மன்மோகன் சிங் அழைப்பு விடுத்துள்ளார்.

ஐ.நா. சபைக் கூட்டத்தில் பங்கேற்பதற்காக அமெரிக்கா சென்றுள்ள இருநாட்டுத் தலைவர்களும் புதன்கிழமை சந்தித்துப் பேசினர்.

அப்போது பாகிஸ்தான் வருமாறு மன்மோகன் சிங்குக்கு அதிபர் ஜர்தாரி அழைப்பு விடுத்தார். அதேபோல், இந்தியா வருமாறு ஜர்தாரியிடம், மன்மோகன் சிங் கேட்டுக் கொண்டார்.

தீவிரவாதத்துக்கு எதிராக போராடுவது என இரு தலைவர்களும் கூட்டாக அறிவித்தனர். இது தொடர்பாக அடுத்த மாதம் சிறப்பு மாநாடு நடத்தவும் முடிவு செய்யப்பட்டது.

இவைத் தவிர அக்டோபர் 21-ம் தேதி முதல் காஷ்மீர் எல்லை வழியாக வர்த்தக போக்குவரத்தை துவங்குவதற்கும் ஒப்புதல் வழங்கப்பட்டது.

இந்த தகவல்களை இந்திய வெளியுறவுச் செயலர் சிவசங்கர் மேனன் வாஷிங்டனில் வியாழக்கிழமை தெரிவித்தார்.