உலகப் பொருளாதாரம் மேலும் சரிவுகளை எதிர்நோக்கலாம் என்ற அச்சம் காரணமாக ஆசிய சந்தையில் மசகுஎண்ணெயின் விலை வீழ்ச்சியடைந்துள்ளது. 
 
ஒருவருடத்துக்கு முன்னர் இருந்த விலைக்கு சமமான அளவு மசகுஎண்ணெயின் விலை வீழ்ச்சியடைந்திருப்பதாகக் கூறப்படுகிறது.

88.78 அமெரிக்க டொராக விநியோகிக்கப்படும் மசகு எண்ணெயின் விலை திடீரென 6.07 அமெரிக்க டொலரால் வீழ்ச்சிகண்டுள்ளது.

சிங்கப்பூர் சந்தையில் கடந்த 2007ஆம் ஆண்டு ஒக்டோபர் மாதம் வரை குறைவாகக் காணப்பட்டபோதும் அதன் பின்னர் சடுதியாக அதிகரித்திருந்தது.

கடந்த ஜுலை மாதம் 147.27 அமெரிக்க டொலரை எட்டியிருந்த ஒரு பரல் மசகு எண்ணெயின் விலை தற்பொழுது 40 வீதத்தால் வீழ்ச்சி கண்டுள்ளது.

கடந்த திங்கட்கிழமை 93.02 அமெரிக்க டொலராக இருந்த மசகு எண்ணெய், ஈரானின் மேற்குப் பகுதி வான் எல்லைக்குள் தற்செயலாக நுழைந்த விமானமொன்றை ஈரான் வலுக்கட்டாயமாகக் கீழ் இறக்கியதாக வெளியான செய்திகளைத் தொடர்ந்து மசகு எண்ணெயின் விலை 5 அமெரிக்க டொலரால் வீழ்ச்சியடைந்தது.